Gihagit ni Atty. Melvin Matibag, director sa National Bureau of Investigation, ang mga indibidwal nga nag-angkon nga adunay motibong politikal ang bag-ohay lang nga mga operasyon sa ahensya.
Matod ni Matibag, ang mga nagduda sa legalidad ug intensyon sa mga operasyon sa NBI kinahanglan mopasaka og hustong kaso kon nagtuo silang wala kini gibase sa ebidensya.
Gipasabot sa direktor nga ang mga operatiba sa NBI nagtumong lamang sa mga ebidensyang ilang natigom atol sa imbestigasyon ug operasyon, ug wala sila magpaluyo sa bisan unsang politikal nga interes.
Gihimakak usab niya ang mga alegasyon nga adunay impluwensyang politikal sa pagpili kung kinsa ang dakpon o imbestigahan sa ahensya.
Tungod niini, nangayo si Matibag og patas nga pagtan-aw ug konsiderasyon alang sa mga ahente ug personnel sa NBI nga, matod niya, nagbuhat lamang sa ilang trabaho subay sa balaod.
Gipasiugda usab sa NBI chief nga ang tanang ebidensya nga ilang natigom padayon pang susihon ug imbestigahan aron masiguro nga ang proseso magpabiling patas ug dili maimpluwensyahan sa opinyon sa publiko o politika.
