Giangkon ni Atty. Remeses Victorious Villagonzalo, usa ka International Criminal Court (ICC) accredited lawyer, nga alang kaniya, kon siya usa ka Senator-judge, dili niya tagaan og credit ug dili niya tagaan og gibug-aton ang mga nayagyag nga testimonya ni NBI Director Melvin Matibag atol sa ika-walong adlaw sa impeachment trial ni Bise Presidente Sara Duterte.
Gibutyag kini nga pamahayag ni Atty. Villagonzalo atol sa eksklusibong pakighinabi sa Bombo Radyo Cebu kaniya, ug iyang gidugang nga aduna siyay rason sa iyahang baruganan: una niini mao nga si Matibang giila nga “former inner circle of the Duterte group,” nagpasabot nga bisan unsaon og huna-huna, ang iyahang testimonya adunay bahid sa politika.
Ikaduha, dili si Matibag ang NBI Chief sa panahon nga nag-video threat si VP Duterte, ug usa siya, makonsiderang usa ka outsider.
Gipahayag ni Atty. Villagonzalo ang iyahang personal nga assessment kabahin sa walo ka adlaw nga pagtuki sa impeachment trial ni Vice President Sara Duterte.
Basi sa iyahang obserbasyon, gipagamay o gi-discount niini ang testimonya sa NBI Director nga usa ka duplicitous, tungod kay giisip kini nga duplikado o igo ra nga nagsumbalik sa mga naunang gipamahayag sa duha ka witnesses sa NBI.
Dugang pa sa iyang pagtuki sa tulo ka mga testigo nga gipresenta, duha niini ang giisip nga may ikahatag nga puntos para sa prosekusyon. Samtang ang testimonya usab ni Director Matibag giisip nga walay epekto ug walay nahatag nga puntos sa bisan kinsang bahin, sa prosekusyon man o sa depensa, tungod kay gipang-utro ra niini ang mga detalye nga nasulti na sa duha ka naunang testigo.
