Gipasalig ni National Bureau of Investigation (NBI) Director Melvin Matibag nga walay nagsugo kaniya sa pag-imbestiga sa giingong plano sa pag-frame kang Executive Secretary Ralph Recto may kalabotan sa alegasyon sa human trafficking.
Ang pahayag ni Matibag miabot human ni Batangas Representative Leandro Leviste nga nagsulti nga nagsunod lamang siya sa mga mando.
Bisan pa niini, mipasalig si Matibag nga magpabilin ang NBI nga mosunod sa balaod ug sa ilang mandato.
Matod niya, walay personal nga relasyon o konsiderasyon nga makapugong sa ahensya sa pag-imbestiga sa maong kaso.
Kaniadto, duha ka mga saksi ang mitudlo kang Leviste ug kanhi kongresista Jacinto Paras nga giingong nalambigit sa paghimo og istorya aron i-frame si Recto sa kaso sa human trafficking.
Apan, padayon pa ang pagtigom sa ebidensya sa mga imbestigador. Matod ni Matibag, ang kasamtangang basehan pa lamang nila mao ang testimonya sa duha ka saksi kalabot sa giingong gisulti ni Paras bahin sa maong plano.
Gi-isyu na kaniadto og subpoena ang mga hingtungdan ug giawhag ni Matibag nga motubag ug ipatin-aw ang ilang bahin sa imbestigasyon sa NBI.
