Gilauman nga makamugna og 3,000 ka dugang nga trabaho sa Pilipinas human gisuportahan sa gobyerno ang plano sa Toshiba nga palapdan ang operasyon niini sa paggama og hard disk drives o HDDs sa nasud.
Gipahibalo kini ni Executive Secretary Ralph Recto human sa iyang pakigpulong kang Toshiba Corporation Senior Executive Vice President Koji Ikeya sa Malacañang niadtong Oktubre 1, 2026.
Matod ni Recto, ang dugang nga puhunan sa Toshiba nagpakita sa pagsalig sa kompanya sa Pilipinas ug sa potensyal sa high-technology manufacturing sa nasud.
Gipahayag usab ni Recto nga andam ang gobyerno nga makigtambayayong sa Toshiba aron matuman ang expansion ug makamugna og dugang nga trabaho.
Samtang, giila sa Toshiba ang papel sa Pilipinas sa ilang global operations tungod sa hanas nga mga trabahante, manufacturing ecosystem ug mga pasilidad sa produksyon sa nasud.
