Mopagawas og showcause order si Cebu City Traffic Office Head Raquel Arce, sa unom ka traffic enforcer nga giingung wala nagtarong sa ilang trabaho atol sa ASEAN Leaders Summit 2026.
Matud ni Arce, dili gayud siya motolerate sa mga sakop sa CCTO nga wala magtarung sa ilang trabaho gumikan kay adunay tulubagon ang mga traffic enforcer isip tigpatuman sa balaud sa kadalanan.
Sigon niini, magdepende pa usab kung kanus-a masuspenso ang mga nakalapas nga traffic enforcers gumikan kay kinahanglan pa kining sutaon ug timbangon ang mga pagpasagad sa trabaho, human i-refer sa HRDO.
Nangayo usab og pasensiya si Arce, sa iyang mga gingsakopan nga maapektuhan gumikan iya lang gihimo ang iyang mandato isip pangulo sa CCTO.
Dugang pa niini nga mahinungdanon gayud nga visible ang mga traffic enforcer sa kadalanan sa dakbayan sa Sugbo, aron makita sa mga motorista nga nagtrabaho gayud sa katungdanan.
Hinoun giklaro usab ni Arce, nga dili kinahanglan nga magbarog ug tibouk adlaw ang mga enforcers sa tunga sa kadalanan, basta visible lang kini sulod sa 4 ka oras panahon sa rush-hour.
Mensahi usab niini sa publiko, nga lugwayan ang pasensiya sa kadalanan og pasidunggan ang mga nagtarong og trabaho sa kadalanan ug likayan ang pagpanaot sa buhatan sa CCTO kung walay igong basehan.
