Gisaulog karong adlawa ang National Flag Day, Mayo 28, diin gipasabot ni Balbino “Ka Bino” Guerrero, ang Officer in Charge sa Cebu City Public Library-Heritage Advocate, nga ang maong kasaulogan karong adlawa—ang Nasudnong Bandila nga adunay kolor nga blue, red, white, ug yellow, una kining gipakaylap ni kanhi Presidente Emilio Aguinaldo human sa historic Battle of Alapan.
Atol sa eksklusibong pakighinabi sa Bombo Radyo Cebu kang Guerrero, iyang giasoy nga Nasudnong Bandila nikaylap human sa makasaysayanong Gubat sa Alapan sa Imos, Cavite, diin gipakita niadtong Mayo 28, 1898 ang bandila sa Pilipinas nga gitahi ni Dona Marcela Mariño de Agoncillo ug iyang mga anak nga sila si Lorenza Mariño Agoncillo, ug Delfina Herbosa de Natividad.
Dugang pagbutyag niya, ang larawan nga nikatap usab nga adunay tulo ka babae nga nagtahi sa bandila, mao kadto usab ang gidesinyo ni Emilio Aguinaldo ug ingun man ang nasudlong nga bandila, diin matod niya, mao kini ang naghugpong sa katawhang Pilipino sa nasud nga Pilipinas.
Gumikan kay sa wala pa miabot ang mga kastila sa nasud, wala pay nasud nga Pilipinas tungod kay gilangkoban lang kini sa managlahing gingharian sama sa Gingharian ni Lapu-Lapu ug uban pa.
Samtang gitino usab ni Guerrero kabahin sa naandang flag day sa nasud, diin magsugod kini sa Mayo 28 hangtud Hunyo 12.
Matod niya, sumala sa Proclamation no. 374 nagdeklara niining Mayo 28 nga National Flag Day, ug niadtong 1994 adunay executive order 179 nga nag-ingun nga ni-extend sa selebrasyon sa flag day.
Kini gumikan kay ang Mayo 28,1898 mao ang pinaka unang higayon sa paggawas sa Bandila sa Pilipinas, hinungdan nga gideklara kini nga Flag Day.
Samtang ang Hunyo 12, mao ang deklarasyon sa Philippine Independence, dili na bag-o ang pagpaggawas sa Philippine Flag.
Sa katapusan, gi agni ni Guerrero ang katawhan sa pag-kaylap, pakiglambigit pamaagi sa pagbutang sa nasudnong bandila sa matag edipisyo, magbutang og flag sa mga sakyanan, ug ingun man ang pagsuot og mga bisti nga flag-themed, kini kay ilabi na karong panahona nga adunay tumang panginahanglan sa “source of pride” tungod kay nagkamuritsing na ang Pilipinas.
Matod niya, sa pagbuhat niining mga naasoyng aksyon kaniya, nagpakita kini sa kalig-on, ug nagsimbolo nga walay laing mohigugma sa nasud kundi ang katawhang Pilipino ra usab, bisan na adunay mga kagubot sa nasud.
