Gidayeg sa Hunta Probinsyal ang usa ka Person With Disability (PWD) nga atleta sa Palarong Pambansa 2026, kini human siya nakakuha og bulawang medalya sa Secondary Girls 100-meter Visually Impaired Para-games Athletics Event.
Ang maong atleta mao si Florie Mae Laniohan, nga gikan sa Mandaue Comprehensive National High school.
Hinungdan nga nag-propose og resolusyon si Lone District of Mandaue Board Member Malcolm A. Sanchez nga nagtumong sa pagdayeg ug pagpahalipay kang
Laniohan sa pagdaog sa Gold Medal sa maong nasyonal nga kompetisyon.
Angayan nga hinomdoman nga nangharos og medalya ang mga atleta sa Mandaue City nga ni representar sa Rehiyon-7 sa nagka lain-laing sports sa bag-ong lang nga nahuman nga Palarong Pambansa 2026.
Atol sa closing ceremony nga gipahigayon niadtong, Mayo 31, sa Patin-ay Sports Complex sa Prosperidad, Agusan del Sur, malampusong napupo sa 4th place sa Overall Medal Tally ang kupunan sa mga atleta sa Central Visayas nga adunay 32 ka Gold, 30 Silver ug 44 Bronze medals.
Lakip sa nihatag og tampo sa maong kadaugan ang student-athletes sa Mandaue City nga nibida sa ilang abilidad ug kabanggiitan sa nagkadaiyang sporting events sa maong nasudnong nga kompetisyon.
