Gikumpirma sa US military nga naglunsad kini og “self-defence strikes” sa Isla sa Qeshm sa Iran samtang ang mga missile ug drone sa Iran nag-target sa mga installations sa Amerika sa Kuwait ug Bahrain.
Pangatarungan sa bahin sa US nga gilunsad niini ang pag-atake sa pagdepensa sa kaugalingon isip resulta sa kalihokan sa Iran sa rehiyon, lakip na dili lamang ang pag-atake sa US Fifth Fleet sa Bahrain apan lakip usab sa Isla sa Qeshm.
Sa usa ka pahayag, ang US Central Command (CENTCOM) nag-ingon nga ang duha ka ballistic missile nga gipabuto sa Iran sa Kuwait, wala makaabot sa ilang target samtang ang tulo ka missile nga gilunsad paingon sa Bahrain na-intercept sa pwersa sa US ug Bahrain.
Samtang, gikumpirmar usab sa US nga na-intercept niini ang tulo ka drone nga gilunsad sa Iran paingon sa mga civilian mariners sa rehiyon.
Kusganong gibarugan sa Estados Unidos nga bisan pa sa panag-away tali sa pwersa sa US ug Iran, ang ceasefire tali sa duha ka nasud magamit gihapon.
