Namugna sa usa ka babae sa Georgia ang usa ka talagsaong pasidungog alang sa iyang paboritong superhero pinaagi sa pagtigom sa giila karon nga labing dako nga koleksyon sa Wonder Woman memorabilia sa tibuok kalibutan, nga mitala og kinatibuk-ang 1,581 ka mga butang.
Nianunsyo ang Guinness World Records nga ang maong koleksyon sa residente sa Cedartown nga si Aleshia Wiley, nga gilangkuban sa mga comic book, Funko Pop figurines, action figures, mga espesyal nga dulaan, ug mga branded merchandise, opisyal nga nakakuha sa titulo isip “largest collection of Wonder Woman memorabilia” sa tibuok kalibutan.
Gisaysay ni Wiley nga una siyang na in love sa maong karakter sa dihang nagtan-aw siya sa animated series nga Justice League niadtong tuig 2000.
Gidugang pa niya nga ganahan kaayo siya sa Wonder Woman tungod kay nagsimbolo kini sa paghatag og gahom ug kalig-on alang sa kababayen-an.
