Gikabutyag ni Konsehal Carlo Fortuna, chairman sa Committee on Foreign and Domestic Relations nga kaniadto, nisumiter ang Dakbayan sa Mandaue og compromise agreement ngadto sa Asian Energy Systems Corporation bahin sa unpaid solid waste disposal bill nga mokabat sa P9.3 milyon.
Matod niya, nihangyo ang Asian Energy nga usbon ang probisyon sa maong kasabutan, ug sa kasamtangan, aduna nay gisumiter nga final revision version sa compromise agreement.
Dugang niya nga sa karon, ang labing importante mao nga ang P9.3 milyon nga bayranan sa syudad sukad pa sa tuig 2011 hangtud 2018, magpabilin nga P9.3, walay interes, ug walay added charges.
Dugang punto ni Fortuna, bisan pa og ma-aprobaran ang pag-release sa maong kantidad, nanginahanglan gihapon kini og regulasyon gikan sa Commission on Audit (COA).
Kini gumikan kay matod niya, ni-angkon man ang syudad nga adunay obligasyon sa pagbayad ngadto sa Asian Energy tungod sa pagtambak sa ilahang mga basura sa maong waste facility.
Samtang, gitataw usab ni Fortuna nga ugaling mapirmahan na ang maong kasabutan, balik operasyon na usab ang syudad, diin mamahimo na usab kining makalabay sa mga basura sa naasoyng waste facility.
Sa maong lakang, gipanglantawan ni Fortuna na kung mapirmahan na ang compromise agreement dako kini og tabang sa maong syudad labi na hisgutanan sa solid waste disposal.
Hinungdan nga sa panguna, ni-arpobar ang konseho sa maong syudad ug nihatag og pagtugot ni Mandaue City Mayor Jonkie Ouano nga mopirma sa gisumeter nga compromise agreement.
