Nanguna ang drag artist nga si Pura Luka Vega sa sakramento sa komunyon sa Open Table Metropolitan Community Church (MCC) sa San Juan City, sa usa ka seremonya nga gipahigayon niadtong Domingo, Hunyo 14.
Ang Open Table MCC usa ka ecumenical Christian church nga gipahinungod sa paghatag og espirituhanong suporta ug serbisyo sa mga miyembro sa komunidad sa LGBTQIA+.
Kabahin kini sa Metropolitan Community Churches, nga adunay mga kongregasyon sa lainlaing mga nasud.
Sa usa ka post sa Facebook sa MCC, gipaambit nila ang mga litrato sa selebrasyon diin makita si Vega nga aktibo nga miapil sa balaang misa.
Gidugang sa simbahan nga ang katuyoan sa panagtapok mao ang pag-angkon sa wanang sa komunidad sa LGBTQIA+ sulod sa pagtuo.
Kahinumduman, nga si Vega nahimong kontrobersyal human sa iyang drag performance nga nagsundog kang Hesukristo ug naggamit sa kanta nga “Ama Namin,” nga hinungdan sa kaylap nga diskusyon online.
Tungod niini, siya gidakop sa iyang balay sa Sta. Cruz, Manila niadtong Oktubre 2023 tungod sa usa ka kaso sa cybercrime.
Sa ulahi, siya gibuhian human makapiyansa niadtong Marso 2024, ug hingpit nga giabswelto sa kaso niadtong Hunyo 2025.
