Nagpasidaan ang Second Congressional Commission on Education (EDCOM2)
human sa pinakabag-o nga survey sa Department of Science and Technology–Food and Nutrition Research Institute nagbutyag nga ang gidaghanon sa mga bata nga adunay malnutrisyon sa nasud nagpadayon nga taas.
Base sa mga resulta sa 2025 Updating Survey, anaa sa 25.3 porsyento o usa sa upat ka mga bata nga lima ka tuig ang edad paubos ang nakasinati og stunting o hinay nga pagtubo tungod sa kakulang sa hustong nutrisyon.
Sumala sa EDCOM2, kini giisip nga usa ka seryoso nga isyu sa panglawas sa publiko tungod sa padayon nga pagtaas sa gidaghanon sa mga apektadong bata.
Dugang nga gipasabot sa komisyon nga ang epekto sa malnutrisyon dili lamang makita sa pisikal nga pagtubo sa usa ka bata.
Mahimo usab kini makaapekto sa mental nga kalamboan, abilidad sa pagkat-on, ug kahandaan sa mga bata sa pagsulod sa eskwelahan.
Tungod niini, ang EDCOM2 miingon nga ang problema sa edukasyon sa nasud magsugod bisan sa wala pa mosulod ang usa ka bata sa klasehanan.
Gibutyag usab sa survey nga ang mga problema nga nasinati sa mga kabus ug mahuyang nga mga komunidad mas grabe, diin daghang mga bata ang nag-atubang sa kawalay kasegurohan sa pagkaon ug malnutrisyon.
