Mipirma ang Israel ug Lebanon og framework agreement sa Washington, D.C., human sa mga adlaw nga negosasyon nga nagtumong sa pagtapos sa away tali sa militar sa Israel ug sa grupo sa Hezbollah.
Kahinumduman nga ang Lebanese Ambassador nga si Nada Moawad ug ang iyang Israeli counterpart nga si Yechiel Leiter mipirma sa trilateral nga dokumento, uban sa representante sa Estados Unidos sa State Department.
Diin si Israel Prime Minister Benjamin Netanyahu miingon nga ang kasabutan magtugot sa mga pwersa sa Israel nga magpadayon sa pag-okupar sa habagatang Lebanon kung ang Hezbollah mapakyas sa pag-disarma.
Sa usa ka pahayag, giasoy ni US Secretary of State Marco Rubio nga ang US motabang sa pagpatuman sa kasabutan pinaagi sa usa ka Trilateral Military Coordination Group alang sa Lebanon. Diin ang US mohatag usab og mga kahinguhaan, lakip ang diha-diha nga $100 milyon nga humanitarian assistance sa koordinasyon sa United Nations (UN).
Samtang, ang Lebanese Amb. giila ang kasabutan nga usa ka unang importanteng lakang paingon sa pagpahiuli sa soberanya sa Lebanon.
