Gikatakdang mobisita sa Canada si President Ferdinand Marcos Jr. gikan Hulyo 1 hangtod Hulyo 4 aron mapalalom ang relasyon tali sa duha ka nasud ug mapalig-on ang kooperasyon sa depensa, seguridad, pamatigayon, pamuhunan, enerhiya, ug uban pang estratehikong sektor.
Makigkita ang Pangulo kang Canadian Prime Minister Justin Trudeau aron hisgutan ang pagpalapad sa relasyon sa ekonomiya ug uban pang importanteng mga isyu.
Makig-meeting usab ang Chief Executive sa mga negosyante ug tigpamuhunan sa Canada aron ipasiugda ang mga oportunidad sa negosyo sa Pilipinas.
Ang iyang pagbisita maglakip usab sa usa ka meeting uban sa komunidad sa mga Pilipino sa Vancouver.
Kini ang unang opisyal nga pagbisita sa usa ka presidente sa Pilipinas sa Canada sulod sa kapin sa usa ka dekada.
Ang Presidente ubanan sa biyahe ni First Lady Liza Marcos ug uban pang mga miyembro sa Gabinete.
