Makasinati ug mga pagpanag-um og kilat ang pipila ka bahin sa Visayas karong adlawng Lunes, hangtud na sa adlawng Martes, Hunyo 30, gumikan sa nasigpatan nga Low Pressure Area sulod sa Philippine Area of Responsibility.
Matud ni Engr. Alfredo Quiblat Jr. ang Pangulo sa PAG-ASA VISAYAS mha nahimutang ang LPA sa 705km East North Eastern sa bahin sa Surigao Del Sur, nga posibleng makaapekto sa pipila ka bahin sa Eastern Visayas nga makasinati og moderate to heavy rains.
Apan giklaro niini nga dili ra kaayu maapektuhan ang bahin sa Central Visayas, gumikan kay hinay ra ang circulation niini paingun sa Western Visayas, apan possible gihapon kining makaapekto sa bahin sa Samar, Leyte ug Southern Luzon.
Samtang, gipasabut usab niini nga normal lang usab nga adunay pagpanugdog ug kilat panahon sa ting-uwan gumikan sa humid nga hangin nga moporma sa pagpanag-um nga moresulta sa mga huros nga pag-uwan.
Mipahimangno usab si Engr. Quiblat nga makanunayong magmonitor sa weather bulletin nga ipagawas sa PAGASA ug kung adunay mga dagkong plano karong adlawa ug sa adlawng Martes, kung mahimo ibalhin kini sa indoor.
