Planado ang gipahigayon nga surprise rally sa EDSA People Power Monument. Kini ang gipaambit sa Malacañang.
Matud ni Palace Press Officer Undersecretary Claire Castro nga si Presidente Ferdinand Marcos Jr. gipahibalo na bahin sa protesta sayo pa sa kaadlawon.
Miinsistir siya nga daw gituyo pagtago sa mga organizers ang plano aron mahimo kining usa ka “surprise rally,” nga iyang giingon nga ilegal ug wala magtahod sa mga katungod sa ubang mga lungsuranon.
Bisan pa, si Castro miingon nga dili niya makumpirmar kung adunay mga lapses sa intelligence.
Dugang niini nga ang Department of the Interior and Local Government (DILG) ug ang Philippine National Police (PNP) mas maayo nga motubag kung adunay mga kuwang sa intelligence gathering.
Nakakuha na usab og permit ang mga miyembro sa Iglesia Ni Cristo gikan sa Gobyerno sa Dakbayan sa Quezon aron mopahigayon og protesta.
Sumala sa Quezon City Department of Public Order and Safety (DPOS), wala silay pagsupak sa malinawong protesta sa White Plains Avenue karong adlawa, Hulyo 1, nga magsugod sa alas 8 sa buntag hangtod alas 8 sa gabii.
Kahinumduman nga daghang mga trabahante, motorista, ug mga commuter ang nakahasol sa kalit nga protesta sa INC usa ka adlaw human ang Office of the Ombudsman mipahibalo nga ilang pasakaan og kaso si Senador Rodante Marcoleta og plunder.
