Miabot na ngadto sa 2.50 milyon ang gidaghanon sa mga walay trabaho nga Pilipino nga nag-edad og 15 pataas sa Mayo 2026, sumala sa pinakabag-o nga Labor Force Survey sa Philippine Statistics Authority (PSA).
Kini misaka gikan sa 2.41 ka milyon niadtong Abril 2026.
Anaa kini sa 4.8% nga unemployment rate niadtong Mayo, mas taas kaysa sa 4.7% niadtong Abril.
Sa usa ka press conference niadtong Miyerkules, Hulyo 8, gipasabot sa hepe sa PSA nga si USec. Claire Dennis Mapa nga ang year-on-year nga pagtaas sa mga walay trabaho tungod sa pagkawala sa trabaho sa sektor sa agrikultura, nga gumikan sa epekto sa El Niño.
Mahitungod sa underemployment rate (ang porsyento sa mga trabahante nga adunay trabaho apan nangita pa og dugang nga trabaho o oras sa trabaho), kini miubos ngadto sa 12.2% gikan sa 15.2% niadtong Abril.
Samtang, ang employment rate mitala sa 95.2% niadtong Mayo 2026, mas ubos og gamay kon itandi sa 95.3% niadtong Abril.
