Gibuak na ni Atty. Amando Virgil Ligutan ang iyang kahilom bahin sa red tagging batok kaniya.
Migawas sa mga online post, nga siya miyembro sa National Union of People’s Lawyers (NUPL).
Apan, matud ni Ligutan nga ang mga pasangil kay walay basehan ug walay kapuslanan.
Si Ligutan, usa sa mga pribadong abogado nga nagrepresentar sa prosecution panel sa House of Representatives sa impeachment trial ni Bise Presidente Sara Duterte.
Nagtuo ang abogado nga ang mga pasangil gihimo tungod sa iyang trabaho sa impeachment trial.
Ingon man nga nakurat siya pagkahibalo sa mga pasangil, nga dili gani siya miyembro sa NUPL.
Una usab niini, ang kanhi opisyal sa gobyerno nga si Lorraine Badoy nag-post sa iyang social media nga iyang gi-link si Ligutan sa mga teroristang grupo.
