Nagpasidaan ang mga lider sa nagkadaiyang bahin sa nasud sa posibleng pag-grabe sa humanitarian crisis sa Gaza ug nanawagan sa diha-diha nga pagpadayon sa ikaduhang hugna sa ceasefire.
Samtang nagpadayon ang diplomatikong paningkamot, naglunsad usab ang Israel og mga airstrike sa Maghazi refugee camp sa Central Gaza ug nakapatay og pito ka Palestino sa amihanang bahin sa teritoryo, lakip ang usa ka 70-anyos nga babaye ug ang iyang anak, ingon man nga samdan usab ang mga bata sa Gaza City.
Gisaway ni Syrian President Ahmed al-Sharaa ang Israel, kinsa iyang giakusahan sa pagpagrabe sa tensyon sa rehiyon aron malihis ang atensyon gikan sa giingon niining mga “makalilisang nga massacre” sa Gaza.
Sumala sa mga taho, mikabat na sa kapin 70,000 ang namatay ug kapin sa 171,000 ang nasamdan sa Gaza sukad niadtong Oktubre 2023, samtang 1,139 ka tawo ang napatay ug dul-an 200 ang gibihag.
