Gipanumpa ang 288 ka bag-ong Jail Officer 1 sa Bureau of Jail Management and Penology Regional Office VII (BJMPRO-7) atol sa usa ka oathtaking ceremony nga gihimo niadtong Hulyo 16, 2026 sa University of the Visayas – Main Campus sa Dakbayan sa Sugbo.
Gidawat ni BJMPRO-7 Regional Director JCSUPT Luisito C. Muñoz, CESE ang mga bag-ong miyembro sa BJMP ug gidasig sila nga tumanon ang taas nga sukdanan sa propesyonalismo ug pag-alagad sa publiko.
Gihimug-atan ni Muñoz nga ang pagsul-ob sa uniporme dili lang usa ka fabrica o insignia, diin usa kini ka simbolo sa pagsalig, pagsalig sa publiko nga luyo sa mga pasilidad, nahatag ang hustisya, patas ug pagkatawhanon.
Dugang usab niini nga ang ilang pagpanumpa simbolo usab sa pagpanubag ug padayung pagserbisyo sa katawhan.
Sa kinatibuk-an, 256 sa mga nanumpa gikan sa regular quota samtang 32 gikan sa attrition quota. Adunay 217 ka lalaki ug 71 ka babaye nga bag-ong jail officers.
Human sa ilang panumpa, moagi sila sa usa ka bulan nga Program of Instructions o POI aron tudluan sa mga polisiya sa BJMP ug sa mga pamaagi sa jail management ug operasyon sa dili pa i-deploy sa regional office ug sa nagkalainlaing jail facilities sa Central Visayas.
Ang maong POI magsilbing andam alang sa ilang mandatory training nga Jail Basic Recruit Course o JBRC nga ginatanyag sa National Jail Management and Penology Training Institute ubos sa Philippine Public Safety College sa Department of the Interior and Local Government.
Ang matag bag-ong jail officer makadawat og buwanang basic salary nga P31,151.
