Nakadawat usab og impormasyon ang Bureau of Immigration (BI) bahin sa giingong plano nga mobiya sa nasud sa kanhi House Speaker ug karon Leyte Party-list Representative nga si Martin Romualdez.
Sumala sa tigpamaba sa BI nga si Dana Sandoval, gipahibalo ang bureau sa plano sa pagbiyahe sa magbabalaod, nga sa ulahi wala madayon.
Dugang pa sa opisyal sa BI nga nahibal-an sa kampo ni Romualdez ang kasamtangang mga rekord sa pagpanghimaraot ug ang katugbang nga mga pagdili.
Miingon siya nga kung adunay pagsulay sa pagbiya, ipatuman sa bureau ang balaod ga nahiuyon niini.
Una na nga gibutyag sa Office of the Ombudsman niadtong Lunes nga si Romualdez giingong naningkamot nga mobiya sa Pilipinas bisan pa sa precautionary hold departure order batok kaniya.
Apan, gihimakak sa kampo sa magbabalaod nga misulay siya sa pag-ikyas, nga nag-insister nga anaa pa siya sa nasud.
Sumala sa tigpamaba ni Romualdez, si Atty. Elaine Atienza, ang kanhi house speaker andam nga moatubang sa Office of the Ombudsman ug magpabilin sa nasud hangtod nga malimpyohan ang iyang ngalan.
Kahinumduman nga si Romualdez usa sa mga giimbestigahan sa Ombudsman kalabot sa giingong korapsyon sa mga proyekto sa pagkontrol sa baha.
