Gibutyag ni Cebu Governor Pamela Baricuatro atol sa iyang pagpang-apud-apod og mga hinabang sa 871 ka mga habal-habal drivers sa lungsod sa Sibonga ug San Fernando nga nakigkita siya ni Ramon Ang, ngadto sa kaulohan uban ni Bohol Gov. Aris Aumentado, aron mangayo og tabang alang sa investment sa Probinsya sa Sugbo.
Matud ni Baricuatro, nga ang Sugbo ang adunay pinakataas nga foreign investment sa tibuok Pilipinas, apan gumikan sa padayung kagubot sa Middle East, padayun usab nga nakasinati og kalisod ang mga sugboanon.
Nag-una sa mga panginahanglanon mao ang lana ug bugas, hinungdan nga nag-apod-apud ang kagamhanan sa Probinsya isip kabahin sa inisyatiba sa Presidente Ferdinand “Bong Bong” Marcos Jr. sa “Bigay Bigas Program”.
Sigon sa Gobernadora, gawas ni Ramon Ang, nakig-alayon usab sila sa Presidente sa Land Bank of the Philippines, aron hisgutan ang posibleng mga tabang nga mahatag sa mga mamumuo ug sa Micro, Small, and Medium Enterprises (MSMEs).
Nanghinaot usab ang kagamhanan sa Probnsya, nga maundang na ang kagubot sa Middle East aron maibanan ang nasinati nga kalisod sa publiko.
