Giklaro ni Vice President Sara Duterte nga wala siyay personal nga kasuko batok kang Presidente Ferdinand Marcos Jr., apan nagpabilin siyang supak sa estilo sa pagdumala sa kasamtangang administrasyon.
Sa usa ka interbyu sa The Hague, miingon si Bise Presidente Sara nga ang iyang mga pahayag nakapokus sa performance sa Presidente isip lider sa nasud, ug dili sa iyang personalidad.
Sumala kaniya, wala siyay personal nga isyu batok kang Marcos Jr., ug ang iyang mga komento batok sa administrasyon kabahin lamang sa iyang katungod sa kagawasan sa pagpahayag.
Kahinumduman nga sila Marcos ug Duterte mga kaalyado sa eleksyon sa 2022 isip kandidato sa pagkapresidente ug bise presidente.
Apan sa ulahi, mibugnaw ang ilang relasyon sa politika, nga misangpot sa pagbiya ni Duterte isip Kalihim sa Department of Education.
Samtang, nagpadayon ang impeachment trial batok kang Duterte.
Lakip sa mga isyu nga gilatid sa reklamo ang iyang pahayag sa usa ka online press conference diin giingong miingon siya nga nakigsulti siya sa usa ka tawo nga mopatay kang Presidente Marcos, First Lady Liza Marcos, ug kanhi House Speaker Martin Romualdez kung adunay daotang mahitabo kaniya.
