Hugot nga gipalagan sa August Twenty-One Movement (ATOM) ang pahayag ni President Ferdinand Marcos Jr. nga ang ubang bahandi sa ilang pamilya dili “ill-gotten” o kinawat.
Sa usa ka pahayag, gitawag sa grupo nga “dili tinuod” ug “fake news” ang pangangkon sa Presidente.
Giingon usab sa ATOM nga dili kini ikatingala tungod sa ilang giingong kasaysayan sa “pagpamakak ug propaganda.”
Gipahinumdoman sa grupo nga niadtong 2018, gisentensiyahan sa Sandiganbayan si kanhi First Lady Imelda Marcos og unom hangtod 11 ka tuig nga pagkabilanggo tungod sa paglapas sa mga balaod batok sa korapsyon.
Kahinumduman nga atol sa presidential luncheon niadtong Biyernes, Agosto 14, gidepensahan ni Marcos ang pagklasipikar sa pipila ka kabtangan sa ilang pamilya isip “ill-gotten wealth.”
Matod sa Presidente, dili “ill-gotten” o “stolen wealth” ang maong mga kabtangan tungod kay nakadaog ang ilang pamilya sa pipila ka kaso sa korte.
Samtang, gibilin ni Marcos sa iyang mga abogado ang isyu sa wala mabayri nga bilyon-bilyong estate tax sa ilang pamilya.
