US, nagtanyag og $10-M nga ganti alang sa impormasyon nga magtumbok sa nahimutangan sa mga opisyal sa IRGC

Nitanyag ang US Department of State og mga rewards nga mokabat sa $10 milyon alang sa impormasyon nga magtudlo sa nahimutangan sa lima ka importanteng opisyal sa Islamic Revolutionary Guard Corps (IRGC).

Kini naglakip nila ni Ahmed Vahidi, ang IRGC Commander; Ali Abdollahi, ang pangu sa Khatemolabia Central Headquarters; Sa’id Aghajani, ang IRGC Aerospace Force UAV Commander; Hamidreza Lashgarian, IRGC Cyber ​​​​Electronic Command Chief; ug Majid Khademi, ang Intelligence Office Commander.

Ang mga indibidwal giingon nga anaa sa luyo sa pagkaylap sa lain-laing mga kalihokan sa terorismo sa tibuok kalibutan.

Ang US nagtuo nga ang pag-aresto niining mga indibidwal permanente nga makapakunhod sa pagkaylap sa terorismo sa nasud.