Nangatarungan ug miinsister ang presidente sa International Criminal Court (ICC) nga dili sila angay bungkagon.
Matod ni ICC president Tomoko Akane, dili sila mohunong bisan pa sa pagpahibalo sa US nga magpahamtang sila og mga silot.
Dugang niya nga nakadawat usab siya og suporta gikan sa lain-laing mga presidente ug mga punong ministro sa mga nasud.
Bisan ang nangaging mga huwes sa ICC gipahamtangan na og mga silot apan wala sila mawad-i sa ilang kadasig sa ilang trabaho ug wala sila mohunong.
Sa sayo pa, gipahibalo ni US Secretary of State Marco Rubio ang pagpahamtang og mga silot kaniya ug sa pipila ka mga huwes sa ICC.
Nagtuo siya nga daw mibalos ang US human ang ICC nag-isyu og warrant of arrest batok kang Israeli Prime Minister Benjamin Netanyahu tungod sa mga krimen sa gubat ug mga krimen batok sa katawhan niadtong Nobyembre 2024.
