Mipaabot si Presidente Ferdinand R. Marcos Jr. sa iyang pahasubo sa Nepal human sa kaylap nga pagbaha nga miigo sa mga baryo sa utlanan sa Nepal ug China.
Sa iyang mensahe, ang Presidente miingon nga ang Pilipinas misuporta sa mga pamilya nga nawad-an og mga minahal sa kinabuhi ug nag-ampo alang sa ilang kusog taliwala sa trahedya.
Sumala sa mga taho, labing menos 289 ka mga tawo na ang namatay samtang kapin sa 1,300 ang nawala human sa makadaot nga baha niadtong Miyerkules.
Samtang, gipahibalo usab sa Malacañang nga walay natala nga mga Pilipino nga namatay hangtod sa Huwebes sa buntag. Apan, padayon ang gobyerno sa pagpakig-alayon sa mga awtoridad sa Nepal ug sa komunidad sa mga Pilipino aron mahibal-an kung adunay mga Pilipino nga naapektuhan.
Basi sa datos, adunay 18 ka OFW ug 128 ka mga Pilipino sa Nepal.
Subay niini, Usa ka Pilipino ang gitaho nga nawala human sa kalit nga pagbaha nga miigo sa Nepal.
Sumala sa Nepal Tourism Board, ang Pilipino nalakip sa 644 ka mga tawo nga gitaho nga nawala tungod sa kalit nga pagbaha.
