Nagmalampuson ang gipahigayong “Halad sa Pagtou” 2026 nga gipahigayon sa Cebu City Sports Center kagahapon, Sabado Agusto 29, 2026.
Kini subay sa pagsaulog sa tibouk Probinsya sa Sugbo sa ika-457 founding annibersarry, diin moabut sa 53 ka mga Local Government Units ug Parokya ang misalmot sa parada sa “Carrosa.”
Diin gisugdan ang parada pasado alas 3 sa hapon gikan sa Kapitolyo hangtud na sa CCSC.
Samtang 7-ka mga contingents ang mipasundayag sa ilang sa nagkalain-laing mga sayaw sa ilang Festivals, nga gilangkoban sa; Sinulog sa Carmen, Tuba Festival sa Bor-bon, Dagitab Festival sa Naga, Bisnok Festival sa Dumanjug, La Torta sa Argao, Hinulawan Festival sa Toledo City ug Kabkaban Festival of Carcar City.
Highlight usab ang mabulokon nga fireworks display nga gipakita sa wala pa gisugdan ang mga pasundayag ug mas nahimong lingaw ang mga sugboanon, gumikan kay nakigduyog si “Concert King” Martin Nievera.
Kahinumdoman, nga namugna ang “Halad sa Pagtou 2026” kaniadto pang nakalabay nga tuig 2025, diin tumong niini nga mapasigarbo pinaagi sa parada ang mga karosa sa Parokya, sa ilang nagkadaiyang patron gikan sa nagkalain-laing munisipalidad.
Highlight usab, ang upcycled materials inspired nga gimugna sa Carroza sa Danao, diin sagad niini puros recycled materials.
