Gipasidan-an sa Iran ang mga nasod sa rehiyon nga dili tugotan ang Estados Unidos nga gamiton ang ilang teritoryo sa paglunsad og mga pag-atake batok sa Iran.
Matud sa militar sa Iran, dili sila magduha-duha sa pagbalos batok sa bisan unsang nasod nga motugot sa US sa paggamit sa ilang teritoryo alang sa mga operasyon militar.
Gipasidaan usab sa Iran nga kinahanglan hunahunaon sa mga nasod ang suod nga koordinasyon tali sa Iranian military ug sa Islamic Revolutionary Guard Corps (IRGC), nga anaa sa kapasidad sa paglunsad og dagkong mga pag-atake.
Sayo pa niini, gikataho nga na-intercept sa mga air defense unit sa IRGC ang mga MQ-9 drone sa US sa silangang bahin sa Strait of Hormuz.
Kahinumduman nga tulo ka tawo ang namatay human sa gikatahong pag-atake sa US sa Larak Island sa Iran.
