Kapin 900 ka estudyante ug 16 ka kawani ang naluwas human dali-daling gipabakwit gikan sa usa ka eskwelahan sa Bidur, Nepal, sa wala pa makaabot ang kalit nga pagbaha.
Niadtong Agosto 26, gipahunong ni Headmaster Rajendra Dawadi ang klase human makadawat og pasidaan bahin sa nagsingabot nga baha.
Gisugdan dayon ang pagbakwit sa mga estudyante ug kawani ngadto sa mas luwas ug mas taas nga lugar.
Mga 14 minutos human sa pagbakwit, miabot ang kusog nga agos sa tubig ug lapok sa lugar.
Sa dihang mitabok ang katapusang bus sa bag-ong tulay, nahugno ang daan nga tulay.
Ang insidente kabahin sa dakong pagbaha sa Nepal nga nakapatay og kapin 900 ka tawo ug nagbilin og liboan nga missing.
Personal usab alang kang Dawadi ang pagkawala sa eskwelahan, diin siya kaniadto nag-eskwela sa wala pa nahimong magtutudlo ug sa ulahi headmaster.
Naglaum siya nga matukod pag-usab ang eskwelahan sa mas luwas nga lugar aron makabalik sa pag-eskwela ang mga estudyante.
