Posibleng mag-atubang og mga sanction si Filipina tennis star Alexandra “Alex” Eala, human niya gipili ang 2026 Asian Games kaysa sa WTA 1000 China Open.
Ubos sa mga lagda sa WTA, ang pag-apil sa China Open mandatory alang sa mga kwalipikado nga magdudula, lakip na si Eala, kinsa karon niranggo nga world No. 18, gawas kon adunay exemption nga ihatag.
Tungod niini, ang Philippine Tennis Association o PHILTA nakigkontak sa WTA alang sa waiver alang kang Eala, kinsa gikatakda nga morepresentar sa Pilipinas sa Asian Games sa Japan.
Ang mga iskedyul sa duha ka torneyo mag-overlap, tungod kay ang Asian Games ipahigayon gikan sa Septyembre 19 hangtod Oktubre 4, samtang ang China Open gikan sa Septyembre 30 hangtod Oktubre 11.
Kung si Eala dili moapil sa mandatory event nga walay exemption, mahimo siyang mawad-an og ranking points ug multahan hangtod sa 75,000 US dollars tungod kay siya niranggo nga ika-11 hangtod ika-20 sa kalibutan.
