Gipatindong ang usa ka dakong white canopy sa sentro sa Paris, pipila na lang ka adlaw sa dili pa moabot si Pope Leo XIV alang sa unang state visit sa usa ka Santo Papa sa France sukad niadtong 2008.
Ang maong temporaryo nga altar maoy magsilbing dapit alang sa lider sa 1.4 ka bilyong mga Katoliko sa tibuok kalibotan samtang mangulo siya sa usa ka dako nga open-air mass didto sa Place de la Concorde ug sa kasikbit nga Champs-Elysees karong katapusan sa semana.
Kini nga kalihokan usa lamang sa daghang mga nakalinyada nga programa alang sa unang Santo Papa nga gikan sa US, kansang paternal grandmother nga natawo sa France, atol sa iyang upat ka adlaw nga pagbisita sugod karong Biyernes ngadto sa nasod nga adunay kasaysayan sa pagka-Katoliko apan nagkadako na ang gidaghanon sa mga tawo nga dili relihiyoso.
Hisgotan ni Leo ang nagkadaiyang sensitibo ug komplikadong mga isyu atol sa iyang pagbisita, lakip na ang mga kaso sa sexual abuse, mga peligro sa artificial intelligence, ang krisis sa migrasyon, ug ang kalinaw sa Europe.
