Wala mosumite si Senator Robinhood ‘Robin’ Padilla sa iyang counter-affidavit atol sa preliminary investigation kalabot sa reklamo nga iyang giatubang sa Department of Justice.
Matod ni Atty. Jimmy Bondoc, abogado sa usa sa mga co-respondent, ang reklamo gikatahong dili kompleto, hinungdan nga wala mosumite og counter-affidavit ang senador niining higayona.
Gibutyag niya nga kasamtangan silang nagproseso sa paghangyo og kopya sa reklamo nga gisang-at sa Philippine National Police-Criminal Investigation and Detection Group (PNP-CIDG) batok kang Sen. Padilla.
Nahitabo kini human namatikdan sa prosekusyon nga kulang sa pipila ka mga dokumento ang reklamo nga gisang-at sa ahensya tungod niini, gihatagan ang ahensya og higayon nga mosumite sa gikinahanglang mga rekisitos.
Kahinumdoman nga nagsang-at ang PNP-CIDG og reklamo alang sa “obstruction of justice” batok kaniya.
Nagagikan kini nga isyu sa mga alegasyon nga mitabang siya kang Senator Robin Padilla sa pag-ikyas o pagbiya sa lugar sa Senado sa dihang gi-isyu ang arrest warrant gikan sa International Criminal Court.
Bisan pa niini, personal nga mitunga ug mitambong si Senator Padilla sa preliminary investigation nga gipahigayon kagahapon.
Human sa preliminary investigation, nakigtagbo si Senator Bong Go kang Sen. Padilla samtang migawas kini sa Department of Justice.
Sa usa ka interview, gipaambit ni Sen. Bong Go nga ang iyang pagtambong usa ka pagpakita og suporta, ug namatikdan nga managhigala sila ni Sen. Padilla.
Ang sunod nga preliminary investigation gikatakda karong Oktubre 9, samtang ang deadline alang sa pagsumite sa counter-affidavit gitakda sa Nobyembre 12.
