Gipadayag ni Cebu City Councilor Dave Tumulak nga adunay nanggawas nga mga findings ug rekomendasyon gikan sa Commission on Audit (COA) nga nagpakita sa mga desyensya ug kapakyasan sa pagpapatuman sa proyekto sa Cebu City Medical Center (CCMC).
Gikumpirma usab kini sa gihimong pagsusi sa mga independent contractors nga nagsubay sa katukoran sa maong pasilidad.
Basi sa gihimong imbestigasyon ug sa mga pamahayag sa nakalabay nga mga katuigan, nasayran nga wala nagkatakdo ang mga trabaho sa mga kontratista nga naghawid sa matag bahin sa proyekto.
Dugang sa konsehal, naggamit usab og mga substandard nga kagamitan ug materyales sa pagpatud sa maong pasilidad, nga naghatag og dakong kahadlok ug kabalaka bahin sa kaluwasan ug kalidad sa maong edipisyo.
Gikumpirma usab kini human gipamatud-an ni Engr. Pericles Dakay sa Dakay Construction nga adunay dili maayong pagkahan-ay ug wala nagkatakdo nga mga gihimong trabaho sa pagtukod sa CCMC.
