Nanawagan ang aktor nga si Dennis Trillo sa mga basher nga undangon na ang pagpanaway sa iyang kaubang aktor nga si Patrick Garcia.
Sa iyang social media account, giawhag ni Trillo ang mga fans nga magpakita na lamang og maayong pagbati imbes nga magpadayon sa pagbatikos kang Garcia.
Dugang pa niya, mas maayo nga maghigugmaay na lamang ang tanan kay, sumala pa niya, “past is past,” ug panahon na sa Pasko ug angay nga hunahunaon usab ang mga bata.
Kahinumduman nga nahimong hisgotan sa publiko ang pakighinabi ni Patrick Garcia sa talent manager nga si Ogie Diaz bahin sa iyang relasyon sa 18-anyos nga anak nga si Jazz, nga iyang anak sa kanhing hinigugma nga si Jennylyn Mercado.
Sa maong pakighinabi, gihisgotan ang suporta nga gihatag ni Garcia sa iyang anak.
