Gibutyag ni Atty. Inocencio Dela Cerna, usa ka legal expert nga possible gayud nga makapasaka ug reklamo sa Kanhi Senador Antonio “Sonny” Trillanes IV kung ugaling tinoud ang iyang mga pasangil ngadto batok kang Vice President Sara Duterte ug sa pamilya niini.
Matud ni Dela Cerna, nga taliwala sa kabug-aton sa mga pasangil ni Trillanes batok sa mga Duterte, aduna usab katungod ang mga respondent sa usa ka legal remedy kung ugaling walay kapasikaran ang mga pasangil.
Sigon niini, nga grabe ka hugot ang proseso sa pag-kuha ug mga bank records hilabi na kung wala kini pagtugot sa bisan unsang matang sa korte gumikan kay makalapas kini sa “bank secrecy law”.
Apan iyang gidugang nga kung wala kini basehanan, posibleng mapasakaan kini ug kasong libel o mosangpot pa sa mas grabeng kasong legal.
Gihimug-atan niini, nga kinahanglang ipaagi sa saktong proseso ang mga ebidensya nga giyag-yag ni Trillanes, aron nga magamit kini sa padayung pagpahigayon sa impeachment trial.
