Nagusbat ang kilid nga bahin usa ka panimalay sa lungsod sa Aloguinsan, human madasmagi sa usa ka dump truck nga adunay sulod nga mga basura.
Nahitabo kini sa Purok 1 sa barangay Zaragoza, lungsod sa Aloguinsan sa habagatan-kasadpan nga bahin sa lalawigan sa Sugbo, kaganinang pasado alas 5:00 sa buntag, Oktobre 2, 2026.
Matud sa mga awturidad, gikataho nga nakatulog ang mismong driver niini, atol sa pagbiyahe gumikan kay matud pa gikan pa kini sa Metro Cebu nga nagdilever sa maong basura.
Sa pagpakighinabi usab sa Bombo Radyo Cebu News Team kang PCapt. Crisanto Arreglo, Officer In Charge sa Aloguinsan Police, iyang gisaysay nga personal nga miangkon ang driver nga nakatulog kini, ug wala makabantay nga milahos na ang truck sa panimalay daplin sa kadalanan.
Dugang usab niini, nga nagka-ariglohay ra ang tag-iya sa mismong balay nga naguba ug andam ra usab ang tag-iya nga mo abag sa pagpa-paayu niini.
Sapagka karon, wala pa masuta kung asa gikan ang mismong garbage truck.
