Naminaw ang Kongreso sa mga reklamo ug panginahanglan sa mga mag-uuma ug naningkamot nga palig-onon ang mga balaod alang sa ilang suporta ug proteksyon.
Kini ang gipahayag ni House Speaker Faustino “Bojie” Dy III atol sa ikalimang leg sa LegisHear sa Victorias City, Negros Occidental.
Matod ni Dy, importante ang direktang pakig-estorya sa mga mag-uuma aron mahibal-an ang ilang panginahanglan, ilabina sa suporta alang sa agrikultura ug industriya sa asukar.
Samtang, sumala ni Senior Deputy Speaker Ferdinand Hernandez, gipaninguhaan ni Dy nga ibalik ang P10 bilyon nga pondo alang sa intervention programs para sa mga mag-uuma ug mangingisda sa 2027 national budget.
Ang maong pondo gilakip na sa proposed amendments sa House human kini matangtang sa orihinal nga budget proposal.
