-- ADVERTISEMENT --
Naglaum si Gilas Pilipinas head coach Tim Cone nga mahuman sa Samahang Basketbol ng Pilipinas (SBP) ang proseso sa naturalization ni Bennie Boatwright aron mahimong andam kini sa pagduwa sa ikalimang window sa FIBA World Cup Asian Qualifiers sa Malaysia.
Matod ni Cone, giproseso na sa SBP ang aplikasyon ni Boatwright alang sa Philippine passport.
Aduna pa og kapin usa ka bulan ang SBP aron makompleto ang mga dokumento sa 6-foot-11 nga player sa dili pa ang ikalimang window sa qualifiers, nga gikatakda sa Nobyembre 27 hangtod 29 sa Seremban, Malaysia.
Sa pagkakaron, nagdula si Boatwright alang sa Fujian Sturgeons sa Chinese Basketball Association.
