Gitun-an karon sa Malacañang ang dugang nga mga lakang aron makunhuran ang epekto sa padayong pag-us-os sa piso tungod kay ang lokal nga salapi mihuyang ngadto sa P63-per-dollar level.
Gitumbok ni Presidential Communications Office Undersecretary Claire Castro ang nagpadayong krisis sa Middle East ug ang epekto sa El Niño isip usa sa mga hinungdan nga nakaapekto sa ekonomiya sa Pilipinas.
Gipasidan-an usab ni Castro nga ang kasikas sa politika ug ang pagkaylap sa fake news mahimong makadaot sa imahe sa nasud ug makapahuyang sa mga paningkamot sa pagdani sa mga tigpamuhunan.
“Parte ito ng maaaring makapagdulot ng pagtaas ng dolyar o pagbaba ng value ng peso, plus the political noise na intensyong isinasagawa para masira ang ginagawang pagsisikap na ginagawa ng administrasyon (These are among the factors that could drive up the dollar or weaken the peso, along with political noise that is deliberately being stirred up to undermine the administration’s efforts), matud niini.
Matud ni Castro nga ang mga polisiya sa foreign exchange ug ang performance sa peso ubos sa mandato sa Bangko Sentral ng Pilipinas.
Bisan pa niana, iyang gipasalig sa publiko nga si Presidente Ferdinand R. Marcos Jr. ug ang iyang administrasyon nagpabiling nakatutok sa pag-assess sa sitwasyon ug pag-ila sa posibleng mga interbensyon aron mapagaan ang epekto niini sa mga Pilipino.
“Ang Pangulo at ang administrasyon ay nakatutok po rito para mas magawan ng paraan at the same time para mapag-aralan pa kung ano pa ang maaaring epekto nito sa ating mga kababayan at kung ano pa ang puwedeng gawin ng ating administrasyon para ‘yung nadaranas ng ating mga kababayan ay ma-lessen, ma-mitigate ‘yung hirap ng ating mga kababayan (The President and the administration are closely monitoring the situation to find ways to address it, assess its potential impact on Filipinos, and determine what additional measures the government can take to ease their difficulties),” dugang pa ni Castro.
