Temporaryong gisuspenso ni Cebu Governor Pamela Baricuatro ang koleksiyon sa terminal fee sa Cebu North Bus Terminal ug Cebu South Bus Terminal sugod niadtong, Martes, Oktubre 20, 2026, aron pagaanon ang gasto sa mga drayber ug operator sa pampublikong sakyanan tungod sa pagsaka sa presyo sa gasolina ug operasyon.
Pinaagi sa Economic Enterprise Council Resolution No. 2026-012, gipulihan niini ang unang gisugyot nga pagpaubos lamang sa terminal fee.
Tumong usab sa lakang nga mamenosan ang gasto sa biyahe ug mapahapsay ang pagpauli sa mga pasahero sa ilang mga lungsod sa probinsya panahon sa Kalag-Kalag 2026.
Gihimo ang desisyon human mangayo og tabang ang mga grupo sa transportasyon tungod sa padayong pagsaka sa presyo sa gasolina ug uban pang gasto.
Magpabilin ang suspensiyon hangtod adunay bag-ong resolusyon nga mopahunong niini.
Sa wala pa ang suspensiyon, nagkantidad og ₱250 ang terminal fee sa mga bus, ₱200 sa mga van for hire ug ₱20 sa mga taxi ug motorsiklo.
