Nakadawat og shoutout si Filipino boxing legend Manny Pacquiao sa sikat nga superhero franchise nga Marvel Cinematic Universe (MCU).
Migawas kini sa dayalogo sa ikatulong yugto sa “VisionQuest,” nga gipagawas niadtong Miyerkules, Oktubre 21.
Kini nga serye gikan sa Marvel, ang ikaduhang spin-off sa “WandaVision” sunod sa “Agatha All Along”, makita sa Disney+, diin adunay bag-ong mga yugto nga ipagawas matag Miyerkules
Sa maong yugto, ang Vision nga gidala sa English actor nga si Paul Bettany, nakig-estorya kang Tommy Maximoff (gibidahan ni Ruaridh Mollica). Nahitabo kini human nasamdan ni Tommy ang iyang kaugalingon samtang aksidente niyang gigamit ang iyang mga gahum sa usa ka vending machine.
Sa dihang gipasalig ni Tommy kang Vision nga mayo ra ang iyang samad, iyang gihisgotan nga siya usa ka “southpaw”, dinhi na gihisgotan ni Vision si Pacquiao, usa sa labing inila nga mga boksidor nga usa ka left-handed fighters
Ang paghisgot kang Pacquiao nagdugang sa nagkadaghan nga mga reperensya bahin sa Pilipinas sulod sa MCU. Lakip na niini ang pagpatugtog sa kantang “Amatz” ni Shanti Dope sa serye nga “The Falcon and the Winter Soldier,” ug ang pagpakita sa kagikan sa Filipino-American nga aktor nga si Jacob Batalon sa salidang “Spider-Man: No Way Home.”
