Wala pa makumpirma sa Vatican kung madayon ba ang giplanong pagbisita ni Pope Leo XIV sa Uruguay, Argentina ug Peru.
Ang maong biyahe orihinal nga gikatakdang ipahigayon gikan Nobyembre 6 hangtod 17.
Matod sa Vatican, nagkinahanglan pa ang 71-anyos nga Papa og dugang medikal nga pagsusi human sa usa ka operasyon aron tangtangon ang natipon nga tisyu sa iyang mga baga.
Bisan tuod wala na siya nagkinahanglan og therapy, padayon gihapon siyang gimonitor alang sa iyang kahimtang sa panglawas.
Gikinahanglan usab ang mga kausaban sa iyang eskedyul aron masuportahan ang iyang hingpit nga pagkaayo.
Gilaoman nga sa umaabot nga mga adlaw, magpagawas ang Vatican og kumpirmasyon kung madayon ba ang biyahe sa Papa.
Kahinumduman, nga nakagawas na sa ospital ang Papa niadtong Oktubre 18 ug sukad niadto, hinay-hinay na siyang mibalik sa pagtuman sa iyang mga katungdanan sa Vatican.
