Nanawagan si Pope Leo XIV nga tapuson na ang kapintasan sa Yemen, duha ka semana human siya gipaubos sa operasyon sa baga.
Matod sa Santo Papa, nabalaka siya pag-ayo mahitungod sa krisis sa humanitarian sa siyudad sa Taiz, sa habagatan-kasadpang bahin sa Yemen, diin ang mga tawo nag-antos tungod sa kakulang sa pagkaon, limpyo nga tubig, ug mga serbisyong medikal.
Nanawagan usab ang Papa nga hunongon ang mga panag-away aron ang katawhan sa Yemen—ug ang anaa sa ubang bahin sa rehiyon—makapuyo sa kalinaw.
Samtang, nag-ampo usab si Pope Leo XIV alang sa mga namatay ug naangol sa gitaho nga pag-atake sa mga terorista diha sa Simbahan sa Hamound sa Jordan niadtong miaging Biyernes.
Kahinumdoman nga si Pope Leo gipaubos sa operasyon niadtong Oktubre 13, diin gikuha ang ubos nga bahin sa iyang tuo nga baga human nadiskobrehan nga siya adunay adenocarcinoma, usa ka matang sa kanser sa baga.
Sumala sa mga doktor sa Papa, dili na niya kinahanglan ang dugang nga terapiya, tungod kay ang tumor wala mikaylap sa ubang bahin sa iyang lawas.
