Gimandoan ni President Ferdinand Marcos Jr. ang Department of Justice (DOJ) nga paspasan ang pagreporma sa sistema sa koreksyon sa nasud ug sigurohon nga ang tanang mga tawo nga gihikawan sa kagawasan (persons deprived of liberty o PDLs) makadawat og igong legal nga tabang.
Gipahugtan sa Presidente ang iyang direktiba nga kinahanglang ipagawas dayon ang mga PDL nga nakatapos na sa ilang nga sentensya ug dili na pabilinang giprisohay.
Matod ni Marcos, daghan sa mga kwalipikadong preso ang nagkinahanglan lamang og tabang gikan sa usa ka abogado aron maasikaso ang ilang mga legal nga dokumento ug mapadali ang ilang paggawas sa pasilidad.
Gipahayag usab sa Punong Ehekutibo nga dili gayud angay nga malangan ang pagpagawas sa mga kwalipikadong PDL tungod lamang sa kakulang sa mga legal nga serbisyo ug mga abogado.
Gipasiugda pa ni Marcos nga ang mga indibidwal nga nakahimo og kasaypanan ug nakaserbisyo na sa ilang tulubagon subay sa balaod angay nga hatagan og patas nga higayon nga magbag-o ug magsugod pag-usab sa ilang kinabuhi sa katilingban.
