Gikumpirma sa Philippine National Police (PNP) nga nakadawat na sila og mga tawag sukad gilunsad ang hotline nga gitumong sa pagpadali sa pagpangita kang Senador Ronald “Bato” Dela Rosa.
Matod ni Lt. Gen. Wilson Joseph Lopez, Deputy Chief for Administration sa PNP, hugot nilang gisusi ug gipamatud-an ang matag impormasyon nga ilang nadawat pinaagi sa maong hotline.
Gibantayan usab sa kapulisan ang mga posibleng lugar nga gikatahong gitaguan sa senador aron mapadali ang iyang pagdakop.
Gibutyag usab ni Lopez nga nakig-alayon ang PNP sa nagkalain-laing ahensya sa gobyerno, lakip na ang Armed Forces of the Philippines (AFP), aron masiguro ang malampusong pagpatuman sa operasyon sa pagpangita ug pagdakop sa senador nga padayon pang gipangita sa mga awtoridad.
Samtang nagpadayon ang operasyon, giawhag sa PNP ang senador nga boluntaryong mosurender aron malikayan ang bisan unsang posibleng komprontasyon.
