Nanawagan ug tabang ang kabanay sa minatyan nga gihaya atol sa dakong sunog nga miigo sa Sitio Lawis, Baranggay Mambaling kagahapong Adlaw sa mga Santos, Nobyembre 1, 2026.
Kini aron matabangan nga mapalubong ang iyang inahan lakip na ang pagproseso sa mga papeles nga naapil ug lamoy sa kalayo, gumikan kay naapil usab ang 14,000 nga limos sa pagpalubong unta sa iyang Inahan.
Si Leah Singson, anak sa gihaya nga 72 anyos nga si Marcelina Opeña, misaysay sa panghitabo atol sa pagsugod sa sunog wala siya’y lain gihuna huna kundi masalbar lang ang mipanaw niya nga inahan aron di kini maapil sa pagkasunog.
Hinungdan nga nanawagan si Singson hilabi na sa Cebu City Government ug uban nga adunay malumong kasing-kasing sa pagtabang kanila hilabi na sa sitwasyon nga nadangatan niya karon.
Kasamtangan karong gibalhin sa Alaska Elementary School ang haya sa iyang inahan
Alang sa mga gusto motabang, mamahimo kamong mopadala pinaagi sa GCash number: 09922515374
