Gikumpirmar sa pamilya ni Gil Aducal Morales—mas nailhan sa industriya sa showbiz isip Ate Gay ang iyang pagpanaw pinaagi sa usa ka pahayag nga gipagawas sa iyang opisyal nga Facebook page gahapong adlawa, Nobyembre 1, 2026.
Matod sa iyang pamilya, mitaliwan si Ate Gay samtang anaa sa kiliran sa iyang mga minahal sa kinabuhi, human sa maisogong pakigbisog alang sa iyang kinabuhi.
Si Ate Gay nailhan isip usa ka komedyante ug impersonator sa inila nga aktres nga si Nora Aunor; gihigugma siya sa daghan tungod sa iyang pagpakatawa ug sa iyang pag-arte isip aktres nga gitawag og “The Superstar.”
Nagpasalamat usab ang iyang pamilya ngadto sa tanan nga naghalad og mga pag-ampo, gugma, tabang pinansyal, ug suporta sa tibuok panahon sa iyang pagkasakit. Nangayo usab sila og padayon nga mga pag-ampo alang sa iyang malinawong kapahulayan.
