Gikonsiderar nga case closed na ang kamatayon sa usa ka 45-anyos nga inahan human kini nagpalgan nga gilabay sa usa ka karaang septic tank sa Barangay Looc, Lungsod sa Panglao, lalawigan sa Bohol niadtong adlaw’ng Sabado, Oktubre 31, 2026.
Kini human natumbok na sa kapulisan sa Panglao nga ang kaugalingon niining anak nga nagpangedaron pa og 15-anyos ang responsabli sa kamatayon sa 45-anyos nga inahan nga nailhan nga si Rhea Hormiguera.
Sa pagpakighinabi sa Bombo Radyo Cebu ngadto ni Police Major Joseph Lopena, ang Information Officer sa Bohol Provincial Police Office, nipahibawo kini nga niangkon na ang 15-anyos nga binatilyo kanila nga siya ang mikalas sa iyang inahan gamit ang ‘martilyo’ sa krimen.
Sapagka karon, Anaa na sa kustodiya sa DSWD ang maong binatilyo. Giandam na usab sa kapulisan ang kasong parricide nga posibleng ipasaka batok sa dinakpan.
Sa pikas bahin, gisusi usab sa kapilisan kung aduna ba gyuy kalambigitan ang krimen sa “online games” susama sa mga naunang kaso nga gikalambigitan sa mga menor de edad.
