Patay ang labing menos siyam ka tawo nga sakay sa usa ka Learjet 60 human nahagsa ug mibuto ang eroplano sa usa ka residential area sa Palm Beach County, Florida, Estados Unidos, niadtong, Nobyembre 1.
Gikumpirma ni US Transportation Secretary Sean Duffy nga walay nakalahutay sa mga sakay sa maong pribadong eroplano.
Sumala sa Federal Aviation Administration (FAA), ang Learjet nahagsa duol sa Cresthaven, Florida, mga alas 12:50 sa hapon (lokal nga oras).
Diin ang eroplano naggikan sa Austin-Bergstrom International Airport sa Texas ug paingon sa North Eleuthera Airport sa Bahamas.
Matod pa, diha-diha dayon nga nasunog ang eroplano sa dihang miigo kini sa yuta, nga nagbilin og dakong bangag ug nagkatag nga mga debris sa lugar.
Samtang, anaa sa 600 ka mga residente sa usa ka duol nga komunidad sa mga mobile home ang gipabakwit tungod sa kadaot nga dala sa pagkahagsa.
Sumala sa mga opisyal, walay mga namatay o naangol gikan sa mga tawo nga anaa sa yuta.
